Nie benauwd

'k Ben nie benauwd, 'k ben nie benauwd, ik ben al groot en stoer
In schole ben 'k de rapsten van de jongens op de koer
En kijk, mijn maten op de muur staan voor mie op de loer

'k Ben nie benauwd, 'k ben nie benauwd, ik ben toch al acht jaar
Mijn maten op de muur houden hier de wacht maar
Mijn vader èt ne maat, die is edelachtbaar
Eén simpel telefongske en der ligt ne klacht klaar

Lap ik hem pootje of geef ik hem ne knie?
Bluf ik achter hem of steek ik hem voorbie?
Ik moe nu beslissen hier, beslissen in één twee drie
En langs wuk ne kant?! Och, shit! Ik durve nie!

Maar ie èt min stappen gehoord
Maar ie èt min stappen gehoord
Ie èt er garanti
Voor minder al vermoord

'k Ben nie benauwd, 'k ben nie benauwd, ik ben helegans zen
Ik make mie geen zorgen, 'k leve volop in 't moment.
Gister'n ben 'k vergeten en voor morgen ben ik blend.

Nu da 'k in alle moeilijkheden eigenlijk cadeaus zie
Ben ik in controle van gedachte en emotie
Toegewijd aan 't heilige, 'k ben één en al devotie

Zo goed hier in mijn vel en in mijne lange frak
Mijn kleren zitten losjes, 'k ben gestopt met nauw en strak
Niets brengt mie van min stuk, ik ben overal op 't gemak.

Maar è 'kik daar stappen gehoord?
Maar ik è toch stappen gehoord?
Wat ben ik met het nu,
A 'k er nu in word vermoord?